日本好去處｜Sanrio水怪Hangyodon期間限定Cafe 東京、大阪、名古屋開幕！
醜萌才是王道！水怪Hangyodon人氣高企，喺Sanrio每年舉辦嘅肖像大賞人氣投票活動中，今年仲獲得第8名，今個7月，Sanrio水怪Hangyodon期間限定Cafe會登陸東京、大阪、名古屋。Cafe結合夏日主題，推出多款水怪Hangyodon造型美食，當中必試中華料理丼、天津炒飯和消暑冷麵，以及一系列甜品和飲品。店內仲有售水怪Hangyodon精品，例如襟章、鎖匙扣、迷你索繩袋、貼紙等等，粉絲們唔好錯過！
▲Cafe結合夏日主題，推出多款水怪Hangyodon造型美食，當中必試中華料理丼、天津炒飯和消暑冷麵等等。
▲亦有一系列以可愛水怪Hangyodon造型設計的消暑特飲。
▲店內出售水怪Hangyodon精品，例如鎖匙扣(左)、迷你索繩袋(右)，超可愛！
▲Cafe有多款水怪Hangyodon精品，包括貼紙(左)、Tote Bag(右)等等，粉絲必備！
水怪Hangyodon期間限定Cafe
東京店
開放日期：2024年7月4日至8月4日
地址：東京都渋谷区神宮前1-16-4 原宿アルタ 3階
大阪店
開放日期：2024年7月4日至8月4日
地址：大阪府大阪市中央区心斎橋筋1-6-1 2階
名古屋店
開放日期：2024年7月11日至8月18日
地址：愛知県名古屋市中区栄3-29-1 名古屋パルコ 南館5階
文字：香港人遊香港
The post日本好去處：【Sanrio水怪期間限定Cafe東京、大阪、名古屋開幕！多款水怪造型主題美食+期間限定精品】appeared first on香港人遊香港.
