日本自由行︱Hello Kitty限定造型漢堡登陸東京大阪 J.S. BURGERS CAFE
召集Hello Kitty迷！為慶祝Hello Kitty50週年，日本三間食肆與Hello Kitty聯手推出一系列、以花園派對為主題的限定造型美食，當中必試有HELLO KITTY幸福滿腹漢堡及鮮忌廉白朱古力迷你班戟等等，餐點上印有Hello Kitty的可愛圖案，得意到令人唔捨得食！另外，亦有多款聖代同飲品供應。各種限定造型美食，喺東京同大阪都食到。即睇詳情！
▲HELLO KITTY幸福滿腹漢堡(1,760日圓)：漢堡包印上了Hello Kitty圖案，配上漢堡扒、煙肉和芝士，是經典之選；HELLO KITTY蘋果紅茶花園鬆餅(1,430日圓)：鬆餅加入信州蘋果果醬、碎餅乾，蘋果和紅茶的配搭亦是下午茶經典組合！
▲鮮忌廉白朱古力迷你班戟(1,980日圓)：忌廉上有Hello Kitty和妹妹Mimmy White的樣子，亦有車厘子作點綴；蜜桃汁生果雪糕班戟(2,200日圓)：班戟加入水蜜桃、檸檬、香蕉作點綴，再淋上粉紅色的蜜桃汁，啱晒打卡！
▲蜜桃聖代及芒果聖代(990日圓)；蘋果蜜桃忌廉梳乎厘斑戟(2,090日圓)；棉花糖奶茶(1,100日圓)。
▲購買指定餐點，有機會得到限量贈品，包括心型滑動鏡子和原創小袋，帶出街用夠晒方便！(數量有限，換完即止)
HELLO KITTY50週年花園派對
活動日期：即日起至2024年8月19日
地點：J.S. BURGERS CAFE、J.S. PANCAKE CAFE、Butter 全日本連鎖店舖
文字：香港人遊香港
The post日本自由行：【Hello Kitty限定造型漢堡！東京大阪都食到！必食造型漢堡+忌廉朱古力迷你班戟】-J.S. BURGERS CAFEappeared first on香港人遊香港.
