香港好去處｜康怡AEON翻新引入5500呎 DAISO！低至5折！首設日式串燒專區 ＋ 大量CHIIKAWA商品
香港好去處｜由1987年開到而家，陪伴咗香港人成38年嘅AEON STYLE康怡店終於又重新開幕咗！AEONSTYLE康怡店今次改裝真係勁豐富，加入咗好多新嘅元素同賣點，無論你係美食控、親子家庭定係潮流愛好者，呢度一定有嘢啱你！最矚目嘅當然係全新登場嘅「Yakitori 焼き鳥」日式燒雞肉串專櫃！現場即烤嘅香氣，保證即刻勾起你嘅食慾！除此之外，地下美食區仲引入咗多個全球特色美食，唔使飛都可以環遊世界食美食。三樓嘅人氣遊樂場Molly Fantasy加入更多全新遊戲設施，仲集齊咗好多人氣角色，包括CHIIKAWA同Mofusand鯊魚貓，同層嘅DAISO Japan亦擴展至超過5,500平方呎，仲首次加入咗駄菓子專區，零食迷一定唔可以錯過！而一樓集合超過30個國際知名化妝及美容品牌，二樓更特別引入咗日本人氣女裝品牌ESSEME嘅首間海外分店，帶比時尚達人全新購物體驗。AEON康怡店呢次真係煥然一新，無論係食、玩、買都一次過滿足曬，快啲mark低時間，嚟體驗呢個全新地標啦！
▲AEON STYLE增添左好多新食品，特別係零食方面，每款都係超高CP值，買完一定唔會後悔！
▲ 地下美食區大革新，期待已久嘅「Yakitori 焼き鳥」日式串燒專櫃終於登場，想食香噴噴嘅雞肉串，又或者想試下創新口味，呢度就啱晒你！
▲ 全新升級嘅MollyFantasy遊樂場，加入咗超可愛嘅CHIIKAWA同鯊魚貝等人氣角色，帶細路嚟呢度玩一定啱曬。
▲DAISO擴充到超過5,500呎，首次加入駄菓子專區，等你搵到更多平靚正嘅日本精品同零食。
▲ 一和二樓搜羅咗超過30個日本同世界各地嘅化妝品牌，由SHISEIDO、KOSE到銀座名店SNOVA都有齊，仲有日本名牌Uchino嘅家品，等你買到手軟！
AEON STYLE康怡
地址：香港鰂魚涌康山道2號康怡廣場(南)
營業時間：10:00-22:30
文字：香港人遊香港
The post香港好去處：【康怡AEON翻新引入5500呎 DAISO！低至5折！首設日式串燒專區 ＋ 大量CHIIKAWA鯊魚貓商品 】appeared first on香港人遊香港.
