香港好去處｜3大人氣漫畫IP主題店登港 高速婆婆招財貓＋多款香港首次發售
3大人氣漫畫IP主題店登港，以三大超熱爆日系 IP為主題，包括《膽大黨》、《迷宮飯》同《藥師少女的獨語》！場內設有多個打卡位外，更有多款香港首次發售。而《膽大黨》高速婆婆黑金限定版更是獨家發售。於場內打卡，更會免費送《藥師少女的獨語》紀錄收藏卡，另更有機會得到價格$699的高速婆婆招財貓造型存錢筒PLUS，想知點樣拎到即睇內文。
除此之外，更設有全港最大型嘅 Gashapon Bandai Official POPUP store，超過210台扭蛋機，夠膽你嚟挑戰下你嘅手氣，睇下可唔可以抽到心儀嘅角色扭蛋啦！
《膽大黨》高速婆婆限量商品全球首發
全球首發嘅SUNRISEPOP 36cm BANK PLUS《膽大黨》高速婆婆 – 黑金限定版將會於場內展出及發售。除咗高速婆婆之外，仲有一眾主角們嘅周邊產品齊齊亮相，包括 COIN BANK、Figure SIT、Pickabox 盲盒系列 同埋 小夜燈 等等！全部都係香港首發，呢啲咁難得嘅機會，動漫迷一定要嚟支持呀！
▲「黑金版 高速婆婆PLUS存錢筒 連收藏紀念幣」：高速婆婆PLUS存錢筒，總高365mm，無論擺邊都非常有份量。每個存錢筒仲有收藏紀念幣，上面會有獨立編號。
▲多款Figure SIT 公仔($249.9）
▲高速婆婆造型毯($199.9)；高速婆婆Tote Bag($129.9）
▲場內打卡及完成指定任務，更有機會得到膽大黨 造型存錢筒PLUS – 高速婆婆 (價值: HKD 699) ，活動細則可到@goksik.hkIG查看。
《藥師少女的獨語》全新商品登場
▲貓貓小夜燈($249.9)、Figure SIT坐姿公仔貓貓($249.9)、Figure SIT坐姿公仔 壬氏 ($249.9)：全部全球首發
▲貓貓/壬氏 公仔($99.9)：全球首發
▲斜挎包貓貓/壬氏 ($99.9)
▲矽膠小包貓貓($99.9)
▲有多款立牌小物等
▲只要於場內打卡，即可以打開百子櫃抽出紀念卡一張。
《迷宮飯》系列商品香港首次發售
瑪露希爾嘅打卡位首次喺香港登場，仲可以着住青蛙裝影相，全新周邊商品包括青蛙造型毛毯同埋Figure SIT系列，絕對係收藏必入手嘅精品！
▲設有打瑪露希爾打卡位
▲Figure SIT坐姿公仔瑪露希爾($249.9)；Figure SIT坐姿公仔 法琳($269.9)
▲多個主角公仔($99.9)；矽膠小包($99.9)；立牌等小物
▲壓力球盲盒(4款)($69.9)
大型扭蛋機中心超過210台
▲痛袋DIY活動：全場購物滿$200（扭蛋區除外），只需加$20就可以換購痛袋一個，仲可以即場使用DIY物料，打造屬於自己嘅獨家痛袋！
▲超過210台扭蛋機同時登場，有多個人氣動漫IP的商品供大家選擇：《藍色監獄》、《我推的孩子》、《鬼滅之刃》等。其中有18款為GBO限定平面扭蛋，與一般立體扭蛋有所不同, 包括A4檔案夾、動漫色紙、杯墊及迷你海報等。
C.T.A. by GOK SIK主題店
地址：九龍塘又一城MTR層2號
日期：2025年3月28日起
營業時間：11:00 – 21:00
文字：香港人遊香港
The post香港好去處：【藥師少女的獨語+迷宮飯+膽大黨主題店登陸香港！打卡免費送紀錄收藏卡+$20 DIY痛袋！210台扭蛋機專區】appeared first on香港人遊香港.
