香港美食｜韓國安主廚評分！搶先睇《最紅大廚》入選餐廳

最近香港有場大型廚藝比賽準備開打！集合咗唔同本地實力派餐廳，各位大廚都出盡絕活，爭奪「最紅大廚」寶座！今次仲特別邀請到韓國大熱嘅「安主廚」飛嚟香港做評審，小編就趁住安主廚未到，率先幫大家探店做個「民間版主廚」，試咗兩間參賽餐廳，分別揀咗佢哋幾道招牌菜，睇下邊間最啱港人口味～快啲tag埋朋友一齊發掘更多香港美食啦！

▲精緻中菜代表 – 金紫荊生記粵菜廳

▲黑毛豬叉燒、菠蘿咕嚕肉：兩款菜式顏值同味道都無得輸，黑毛豬叉燒肥美多汁；咕嚕肉肉質唔鞋唔乾，再加埋酸甜菠蘿，真係食到停唔到口！

▲杞子肉汁燉花膠、豉椒蟶子皇金絲麵：花膠湯燉得夠火喉，成碗都係精華；香脆金絲麵配上蟶子同豉椒，再淋上醬汁，十分惹味！

▲薑茶菊花豆花：一登場即刻成為焦點，極考師傅刀工的一道甜品，將豆花雕成菊花模樣，少啲實力都做唔到！

▲平民中菜代表 – 良順興

▲蟶子炸米底：熟客推薦必點！香脆米底搭上鮮嫩蟶子，果然係招牌菜式之一，而且份量超大，同朋友share就啱晒～

▲雞軟骨肉餅飯：肉餅煎得好香，而且肉質唔乾，仲可以配埋秘制辣豉油一齊食！

▲雞油蒜子東星斑：魚肉超嫩，再用雞油焗香嘅蒜子加埋薑葱油一齊上，送飯一流！

▲店內仲有好多鑊氣小炒，例如梅菜扣肉同椒鹽鮮魷等等。

文字&圖片：香港人遊香港

The post香港美食：【香港廚神大激鬥！韓國安主廚評分！即睇《最紅大廚》比拼入選餐廳】appeared first on香港人遊香港.