香港美食｜香港雀巢推哈利波特奶油啤酒味甜筒！
哈迷們注意喇！雀巢® DRUMSTICK® 今個初夏帶你飛入霍格華茲，嚐盡魔法滋味！全新推出嘅「奶油啤酒味雪糕甜筒」真係令人眼前一亮，將魔法世界嘅標誌性飲品直接變成甜筒雪糕，麻瓜世界都可以即刻感受到呢份霍格華茲風味！呢款雪糕甜筒嘅內餡係特調奶油啤酒味雪糕，啫係琥珀棕色同奶白色交織嘅夢幻扭紋，再加上糖粒點綴，仲有鹽味焦糖醬襯托出甜而不膩嘅層次感！脆筒更係換上咗琥珀棕新裝，保持住 DRUMSTICK® 一貫嘅鬆脆口感，啖啖都係驚喜！呢款雪糕係非酒精類產品，所以大人小朋友都可以放心享用！但要提提你，呢款魔法甜品係港澳地區期間限定，4月23日開始喺各大便利店同超市陸續發售！數量有限，想試嘅朋友記得Mark實時間！
▲ 奶油啤酒對於哈利波特迷來說絕對唔陌生，呢款喺霍格莫德村「三根掃帚酒吧」嘅招牌飲品，以濃郁嘅焦糖同奶油味見稱，溫暖又甜蜜，係哈利、榮恩同妙麗最愛嘅飲品。環球影城嘅哈利波特主題園區曾經推出過焦糖奶油味嘅食品，引起全球哈迷瘋狂追捧。
▲ 呢款限量版甜筒包裝有特別設計，以深藍色為主調，包裝上仲印有魔法元素，一眼就睇得出呢款甜筒嘅獨特身分。
▲ 甜筒內裡藏住嘅係琥珀棕色同奶白交織嘅扭紋雪糕，口感順滑，香濃奶油味撲鼻而來。
▲ 呢款充滿魔法嘅雪糕甜筒有兩種包裝俾大家選擇，單支裝售價一枝$17，家庭裝一盒$59.9。
文字：香港人遊香港
The post香港美食：【香港雀巢推哈利波特奶油啤酒味甜筒！港澳地區期間限定！無酒精成份 大人細路都食得！】appeared first on香港人遊香港.
