香港美食 | DOUGH BROS黑松露系列強勢登場！
香港地嘅美食世界真係日新月異！DOUGH BROS呢間人氣手工酸種薄餅同爆醬冬甩專門店又有新搞作，今個春日，佢哋再次突破傳統界限，將高級料理元素注入街頭美食文化，推出咗一系列令人驚喜嘅黑松露系列食品，主打平民價錢食到米芝蓮級別美味，等你唔使去高級餐廳，都可以享受到頂級黑松露嘅醇香！「黑松露奢華系列」將於4月24日正式推出，一共有4款新品，包括黑松露意大利熏火腿薄餅、黑松露香腸薄餅、黑松露酸種波同黑松露蜜糖雞翼，全部都用上頂級松露、意大利火腿、意式香腸等高級食材。當黑松露嘅香氣遇上手工酸種麵糰，每一啖都係滿滿嘅層次感，無論係薄餅控定係松露控都一定要試！工作壓力大又想犒賞自己，又或者想同朋友嘆返個有質素嘅下午茶，呢個系列絕對係你嘅最佳選擇！
▲ 香港人氣手工店DOUGH BROS喺香港已經有24間分店，仲成功進軍泰國曼谷開設3間分店嘅餐飲品牌，一直以創新做法、創意口味同堅持用優質食材而俘虜咗一眾食客嘅味蕾。
▲ 黑松露意大利熏火腿薄餅($178)：手工酸種麵糰配上意大利水牛芝士、靚雜菌同埋意大利熏火腿，再淋上松露蜜糖醬汁，松露香、火腿鹹鮮、野菌濃郁，層次豐富到爆！
▲ 黑松露香腸薄餅($178)：滿滿嘅意大利水牛芝士同埋意式香腸，加埋紅洋蔥帶出微酸甜，火箭菜平衡口感，最後淋上黑松露蒜香蛋黃醬，油香撲鼻，奢華滿分。
▲ 黑松露酸種波($58)：酸種波淋上DOUGH BROS獨家秘製松露蒜香牛油醬，濃郁香氣撲鼻而來，咬落酥脆外皮包裹住鬆軟嘅內層，再加埋松露醬嘅香氣，絕對係所有麵包控嘅最愛。
▲ 黑松露蜜糖雞翼 ($98)：炸得金黃香脆嘅雞翼，沾滿秘製嘅松露蜜糖醬，甜中帶鹹，松露香氣四溢。
DOUGH BROS「黑松露奢華系列」
日期：4月24日起
地點：DOUGH BROS香港全線分店
文字：香港人遊香港
The post香港美食：【DOUGH BROS黑松露系列強勢登場！平民價錢食到米芝蓮級別美食！必食黑松露手工薄餅＋香脆蜜糖雞翼＋酸種波】appeared first on香港人遊香港.
