Mofusand｜人氣角色Mofusand期間限定拉麵店登陸香港！
香港美食｜人氣插畫品牌mofusand聯手來自日本富山縣嘅冠軍拉麵店富山麵家，帶嚟超萌嘅主題限定店！現場唔單止有mofusand造型嘅限定美食，仲有一系列粉絲必搶嘅精品，例如精美環保袋同碗及湯匙套裝，每款限量發售，售完即止！餐廳內外更以mofusand為主題裝修，打卡位多到影唔停。富山麵家更係日本東京拉麵Show五年冠軍，無論係湯底定手工拉麵都係一絕，今次結合炸蝦貓嘅萌力，絕對係味覺同視覺嘅雙重享受！喜歡mofusand嘅粉絲千祈唔好錯過呢個期間限定嘅萌貓天堂，一齊嚟感受mofusand嘅魅力啦！
▲ 一踏入店舖馬上進入Mofusand嘅世界，店舖嘅每一個角落都充滿住mofusand炸蝦貓嘅蹤影。
▲ 特製咖喱撈麵 ($118)：麵竟然整成咗炸蝦造型，仲要配上金黃香脆嘅炸蝦同雞塊，賣相超吸引！啖啖咖喱香，配上多款配料，食落超級滿足，最岩大食嘅朋友啦！
▲ 特製牛奶拉麵 ($98)：拉麵有淡淡嘅牛奶香氣，溫順唔嗆喉，最正係碗入面有Mofusand炸蝦貓造型嘅魚蛋，可愛到唔捨得食！
▲ 特製士多啤梨椰果梳打 ($38)：飲料裡面有滿滿嘅椰果同士多啤梨粒，清新暢快，解渴消暑一流！
▲ 特製三色芭菲 ($48)：由抹茶、草莓同香草三款口味雪糕組成，再加埋新鮮嘅哈密瓜同士多啤梨，仲有蛋糕底座，色彩繽紛之餘層次感十足！
▲ 特製章魚燒 ($38)：外脆內軟嘅口感，配上香濃醬汁同鰹魚片，傳統風味一啲都無減！
▲ 最令粉絲興奮嘅絕對係呢次限定店推出嘅多款獨家週邊精品，包括環保袋、扣針等等。
富山麵家
地址：銅鑼灣希雲街7號地下
日期：4月12日至6月30日
營業時間：12:00-22:00
文字：香港人遊香港
The post香港美食：【Mofusand 期間限定拉麵店登陸香港！必試牛奶拉麵+士多啤梨梳打+限定週邊】appeared first on香港人遊香港.
