香港美食：【旺角食棉花糖壽喜燒！瞬間融化！治癒感十足！享受視覺+味蕾衝擊！配鹿兒島A5和牛+頂級蘭王蛋！】- 十侍 Juji

旺角美食｜治癒感十足棉花糖壽喜燒

壽喜燒食過唔少，但你試過睇住雲朵般嘅棉花糖瞬間融化，變成濃郁甜美嘅壽喜醬汁未？呢間位於旺角嘅日本餐廳就推出棉花糖壽喜燒，真係集療癒、視覺享受同味蕾衝擊於一身！當棉花糖慢慢溶化，像雲一樣輕柔嘅甜味融入湯底，為傳統壽喜燒嘅醬汁增添咗一份獨特嘅甜香味，提升湯底嘅層次感，簡直係出乎意料咁夾！再加上嚴選鹿兒島A5和牛，每片牛肉雪花均勻，細膩嫩滑，浸入充滿甜香層次嘅湯底，入口即化，真係齒頰留香！仲唔止咁！用上頂級蘭王蛋製成嘅滑嫩蛋蛋漿，將煮好嘅和牛輕輕一沾，濃郁蛋香同牛肉嘅甘香完美融合，令每一口都滿載幸福感！除咗棉花糖壽喜燒係必食外，仲有多款串燒、打卡Cocktail都做得好出色！

▲棉花糖壽喜燒：睇住雲朵般嘅棉花糖瞬間融化，稱得上係最療癒嘅壽喜燒。

▲用上細膩雪花紋理嘅鹿兒島A5和牛，肉質鮮嫩，入口即化。

▲用上頂級蘭王蛋製成嘅滑嫩蛋蛋漿，將煮好嘅和牛輕輕一沾，濃郁蛋香同牛肉嘅甘香完美融合。

▲夢見島盛り合($238):以雞主題嘅串燒套餐，有雞翅、腿肉、頸肉、橫膈膜、心、腎。另有其他串燒，包括舌心、燒菠蘿、燒翠肉瓜、雞肉串等。

▲和牛漢堡扒配日本米飯($98): 壽喜燒套餐每人已經包飯或者烏冬，如果唔夠可以選擇加配和牛漢堡扒飯，漢堡扒多汁配上日本雞蛋，口感提升！

▲酒盗芝士($58): 鹹味同鮮味極濃，配上芝士、餅乾，可以話必點佐酒小食。

▲冬意 Kotatsu($98): 呢杯調製嘅cocktail，用咗日本燒酎 (Japanese Shochu) 作基底，配搭人參嘅微苦、蜜糖嘅甜潤，再加上茉莉綠茶嘅清香，燒酎帶來淡淡嘅酒香，清爽又有後韻。

▲十待森林 Juji Mori($88) : 用上十待自家威士忌 (Whisky) 嘅濃郁醇厚，配搭Crème de Kyoho嘅清甜巨峰提子香，再加上蛋白 (Egg white) 打勻後嘅滑溜口感，同埋Yuzu (柚子) 嘅清新微酸，層次感即刻爆燈！呢款Cocktail結合咗果香、酸甜同埋酒香，飲落去一定係味蕾嘅大滿足！