香港美食｜民豐爆餡糯米糍限時登陸尖沙咀居酒屋！
尖沙咀人氣居酒屋 「和道屋」 再次掀起美食熱潮，今次聯手擁有 71年歷史嘅香港老字號「民豐粉麵」，推出超值期間限定半放題！要講到「民豐粉麵」，大家第一時間一定諗起佢嗰款令人排隊排到腳軟嘅招牌糯米糍！依家只需食「和道屋」半放題套餐，直接免排隊享用到呢款地道經典甜品啦！民豐糯米糍皮薄餡靚，外層軟滑富彈性，一啖咬落去香氣四溢，仲有啲微微粗粗嘅顆粒感，絕對係香港人嘅集體回憶！除咗糯米糍，呢個半放題餐單仲有超多高級嘢食，$388起就可以食到宮崎A4和牛、廣島牡蠣、北海道米豚配壽喜燒鍋，仲有日本帝王蟹腳、巨型10吋爆膏大頭蝦、日本A級海膽蟹肉甜筒等豪華海陸盛宴，加指定價錢仲可以任飲日本清酒同啤酒，真係平民價享受頂級美食！記住要約齊三五知己一齊去，好好享受呢個限定嘅美食盛宴啦！
▲ 呢次期間限定半放題特別準備咗兩款頂級海鮮俾大家自由選擇，分別係浜燒日本帝王蟹腳或巨型10吋大頭蝦套餐！如果你係蝦迷，一定唔可以錯過呢款大頭蝦套餐。
▲ 10 吋巨型爆膏大頭蝦配海膽黃金蟹膏：蝦肉鮮甜彈牙，蝦膏香濃一啖咬落去，真係齒頰留香！
▲ 特選生燒五款串燒： 外層微焦，內裏肉汁豐盈，無論係肉定菜品，款款都會令你回味無窮。
▲ 日本真鯛薄切＋牛油果醬凍豆腐沙律： 鯛魚肉細膩鮮甜，口感滑溜，配埋牛油果醬凍豆腐沙律，豆腐絲滑清爽。
▲ 日式豆乳鍋：呢次半放題嘅鍋物更加係重頭戲之一，豆乳鍋配宮崎A4和牛、廣島牡蠣同北海道米豚，肉類鮮嫩，海鮮鮮甜，再加埋濃郁嘅鍋底湯汁，晚市時段仲係無限供應，真係食到扶牆走！
▲ 精選手握魚生赤醋壽司：新鮮魚生配上赤醋飯嘅微酸口感，每一口都充滿層次感。
▲ 民豐糯米糍： 皮薄餡靚，外層軟糯有彈性，內餡香甜濃郁，入口即溶，仲帶住微微顆粒感，香氣滿滿。不過，晚市必須預約先可確保試到民豐糯米糍。
▲如果你覺得半放題嘅食品太多，可以選擇定食套餐，套餐包括香蒜燒汁配火炙和牛他撈布麵，仲有蒸煮民豐白菜豬肉手握餃子，最後再配埋一份民豐糯米糍作甜品飽足又滿足！
和道屋WADO IZAKAYA
地址：尖沙咀加連威老道46-48號恆隆銀行大廈地舖及閣樓
營業時間：12:00 – 15:00；18:00 – 23:00
文字：香港人遊香港
The post香港美食：【免排隊！民豐爆餡糯米糍限時登陸尖沙咀！必試10吋巨型爆膏大頭蝦！任食壽司/A4和⽜/廣島牡蠣/壽喜燒】- 和道屋 WADO IZAKAYAappeared first on香港人遊香港.
