韓國好去處｜巨型KAKAO FRIENDS角色現身韓國櫻花路！
如果你係KAKAO FRIENDS嘅粉絲，咁今年嘅櫻花季你絕對唔可以錯過呢個超靚嘅活動！KAKAO今次同江南區合作打造咗一個超吸引打卡活動，將兩位KAKAO FRIENDS人氣角色帶到首爾著名嘅櫻花熱點良才川。喺良才川嘅行人橋附近，會有高達6米嘅超巨型Ryan同春植巨型氣球裝置！Ryan頭戴花飾，春植則變身成櫻花花瓣，與滿樹櫻花形成最靚嘅打卡背景。除咗巨型氣球裝置之外，現場仲有特別打造嘅影相區同自拍區，等你可以影到好多靚相。大會仲準備咗一系列春日主題嘅環保好禮包，喺活動初期免費派發，內容包括精美氣球、明信片同埋由環保材質製成嘅野餐墊，方便又實用！如果你都想感受首爾嘅春天氣息，不妨約埋朋友一齊去良才川，同Ryan同春植影低呢個美麗嘅季節啦！
▲ 沿著良才川行人橋附近，你可以見到超巨型嘅Ryan同春植氣球，比你置身於櫻花和人氣角色嘅浪漫氛圍之中。
▲良才川全長15.6公里，沿著河道兩岸種滿咗樹木同花草，當中櫻花樹係春天嘅最大亮點！每年四月，櫻花盛開，形成一條長長嘅櫻花大道，吸引唔少情侶、家庭同攝影師前來遊覽同打卡。
▲呢個活動係KAKAO同江南區嘅第三次合作，上年分別喺夏天同冬天活動都舉辦過，今次佢哋特意揀咗櫻花盛開嘅季節，希望市民可以同呢兩個可愛卡通人物一齊創造新嘅特別回憶。
▲4月9日至13日期間，活動會派發以春天為主題嘅環保禮品套裝，包括氣球、明信片同野餐墊。野餐墊係用環保牛皮紙製作，可以即場拆開使用，明信片亦都包含環保訊息，展現品牌對環境嘅關注。
Ryan與Choonsik春日派遞（2025 라춘봄배달)
地址：首爾良才川櫻花路
日期：即日起至2025年5月11日
文字：香港人遊香港
The post韓國好去處：【韓國必去！巨型KAKAO FRIENDS角色現身韓國櫻花路！超美影相區+免費送限量氣球/野餐墊】appeared first on香港人遊香港.
