香港美食｜韓國人氣年糕專門店Young Dabang強勢登陸香港！
韓式美食控注意啦！韓國人氣炒年糕專門店Young Dabang即將喺6月進駐香港商場，首間香港分店已經開始緊鑼密鼓準備緊，現場已經豎起圍板，好快就有得食。Young Dabang呢間2015年創立嘅年糕煲專門店自稱「世界第一韓式年糕煲」，用咗短短幾年時間就已經喺韓國打出名堂，仲成功擴展到美國同澳洲，依家終於開到嚟香港。佢哋招牌菜式係40cm超長辣炒年糕，年糕質地有別於傳統，特別有嚼勁兼且比較厚身，加上完全吸收醬汁精華，每啖都好惹味，絕對係打卡兼滿足味蕾嘅必試之選！佢哋嘅年糕煲有好多口味，例如燒牛胸年糕煲、炸魷魚年糕煲、芝士年糕煲等。Young Dabang嘅魅力唔係淨係賣炒年糕咁簡單，佢哋仲有各種招牌韓式美食，例如韓式紫菜包飯、蒜蓉牛油薯條、粟米角等。最啱一班朋友去，大家一齊share住食，食盡唔同嘅韓式小食！如果你都係韓國菜嘅粉絲，就記得密切留意，唔好錯過呢間年糕煲專門店啦！
▲ 香港分店現場已經豎起圍板，寫住「世一韓式年糕煲」幾個大字，店鋪裝修工程如火如荼進行中，而官方社交平台專頁都已經開始發佈各種預告，確認將於6月中旬正式開幕。
▲ 間舖一向裝修風格主打80年代韓國復古風，好有懷舊氣息，成間舖都係五顏六色嘅霓虹燈同復古海報，好似去咗韓國懷舊咖啡店咁，影相一流。
▲ 佢哋嘅招牌40cm超長辣炒年糕，據聞呢款年糕喺外國已經係社交媒體嘅打卡熱點，好多人為咗影條年糕而專程去食，我哋香港人終於都有得玩啦。
▲佢哋嘅年糕煲有好多口味揀，最出名嘅一定係芝士年糕煲，滿滿芝士拉絲，配埋辣辣嘅年糕，真係開胃又滿足。
▲ 韓式小食種類都好多元，韓式紫菜包飯、蒜蓉牛油薯條、香脆粟米角等都係店舖嘅經典菜。
年糕煲專門店Young Dabang
地址：沙田新城市廣場一期Shop103A
開幕時間：6月
文字：香港人遊香港
The post香港美食：【韓國人氣年糕專門店確認香港開幕！必食40cm超長辣炒年糕+拉絲芝士煲+蒜蓉牛油薯條】appeared first on香港人遊香港.
