排球少年｜香港壽司郎疑跟《排球少年!!》聯乘合作
各位《排球少年!!》粉絲嘅朋友留意啦！最近台灣壽司郎正式同日本人氣動畫《排球少年!!》推出期間限定聯乘活動，引爆咗全台粉絲嘅熱情。早喺4月頭，台灣壽司郎已經喺Facebook玩起神秘預告， Post咗一連串數字同顏色，眼利嘅粉絲即刻認出係《排球少年!!》角色中隊員嘅球衣背號同配色，令網民瘋狂推測。台灣壽司郎早前已經正式確認合作消息，推出咗一系列《排球少年!!》聯名餐點、精品同埋主題裝飾。更令興奮嘅係，香港壽司郎喺琴日竟然Post咗同台灣壽司郎一樣嘅神秘預告，令大家都推測香港都會有類似嘅聯名活動，等我哋好好繼續密切留意壽司郎最新消息啦！
▲ 香港壽司郎出關於新聯名活動嘅神秘預告，推測係《排球少年!!》合作活動。
▲ 台灣五間壽司郎主題門市，全部都變身成為「排球少年!!」粉絲嘅專屬聖地，從座位到桌面，甚至等位區都佈滿咗經典角色嘅插畫同視覺裝飾。
▲台灣壽司郎期間限定嘅聯名餐點非常吸引，推出兩款主打：「豪華海鮮十分殺球」同「青醬酪梨鮮蝦海苔包」，會隨機送張《排球少年!!》限量Q版人物插卡。
▲ 期間限定嘅聯名餐點仲包括「野生鮪魚豪華拼盤」，附送隨機聯名透卡。
▲ 甜品方面有「白巧克力草莓大理石慕斯蛋糕」，附送隨機聯名透卡。
▲ 只要喺活動期間消費夠指定金額，就可以加價購得《排球少年!!》聯名商品，例如飲料杯、小圓包等等。
文字：香港人遊香港
The post香港美食：【香港壽司郎釋出新合作預告！疑跟《排球少年!!》聯乘合作！】appeared first on香港人遊香港.
