龍蝦湯｜龍蝦湯控必睇！4款外賣龍蝦湯合集推薦！
龍蝦湯迷注意！呢排天氣涼涼哋，最啱就係嚟碗濃香暖胃嘅龍蝦湯～今日小編幫大家精選咗4款外賣龍蝦湯，無論你想方便快捷定係想試高級滋味，龍蝦湯可直接飲之外，仲可發揮大家嘅廚藝製作多個不同龍蝦料理！
1. 米芝蓮二星名廚 Chef Paulo Airaudo 秘製龍蝦湯
▲為咗慶祝 Chef Paulo 蟬聯米芝蓮二星殊榮，位於尖沙咀嘅西班牙米芝蓮食府 Amelia 推岀外帶版龍蝦湯，$98/400ml簡直係超值！龍蝦湯用超過 10 公斤的波士頓龍蝦頭及龍蝦精華，搭配香料與高湯慢火熬煮秘製龍蝦湯。濃厚的龍蝦膏和鮮嫩龍蝦肉互相交融，散發出濃郁的龍蝦及海洋味道，並在湯中加入奶油增添細膩的絲滑口感。堂食版首月銷量已經達2000碗，可見人氣有幾高。龍蝦湯無防腐劑，記得購買後三日內飲用～仲可以用嚟煮龍蝦燉飯或者意大利麵，滋味滿分！
售賣地點：Amelia Hong Kong
地址：香港尖沙咀海港城海運大廈 G/F OTG63 舖
2. City’super 法國品牌 La Potagère 龍蝦濃湯
▲ 如果你喺馬莎搵唔到龍蝦湯，其實呢款法國品牌 La Potagère 都係絕佳嘅替代品！質感濃稠，口感豐富，湯底海鮮味十足，絕對係秋冬暖胃之選。有網民仲話試咗之後覺得同馬莎嘅龍蝦湯質素不相伯仲！
3. 家樂牌 龍蝦湯
▲ 傳說中麥當勞龍蝦湯嘅「平替版」！用北歐進口真龍蝦原料製成，鮮味濃郁，仲可以因應自己需要調節濃度。一盒500g售價約$170-$190，根據官方指引90g粉就可以沖到一碗。喺惠康或者HKTVmall都可以買到，方便又抵飲！
4. 馬莎 龍蝦湯
▲ 呢款「馬莎精選龍蝦濃湯」曾經喺Threads上洗版，仲一度長期賣斷貨！幸運搵到嘅話記得即刻入手～$89/500ml，鹹鮮味濃郁，質地稠厚，非常適合用嚟煮意粉或者意大利飯。網民仲話用呢款湯煮龍蝦汁意粉，簡直係無敵好味！
無論你係邊款龍蝦湯粉絲，都可以試下呢幾款特色產品！快啲去搵返自己心水嗰款，喺家中享受一碗暖笠笠嘅龍蝦湯啦～
文字：香港人遊香港
The post都市熱話：【龍蝦湯控必睇！4款外賣龍蝦湯合集推薦！米芝蓮二星名廚加入龍蝦湯戰場！用上10公斤龍蝦頭製】appeared first on香港人遊香港.
