Bacha Coffee旗艦店登尖沙咀 200款頂級精品咖啡 首次在港推堂食
咖啡迷注意！夿萐咖啡（Bacha Coffee）香港第三間分店正式進駐尖沙咀，仲係旗艦店！呢間咖啡界嘅傳奇品牌，歷史可以追溯到1910年喺摩洛哥馬拉喀什誕生，今次帶住佢嘅經典與創新登陸香港，再次掀起咖啡熱潮。新店設計簡直係藝術品般咁精緻！雕刻和彩繪雪松木天花板、黑白格紋大理石地板、摩洛哥風情zellige瓷磚，加埋藏紅花色門廊，真係每個角落都值得影相打卡！店內提供200款頂級精品咖啡，旗艦店首次在港推出堂食，而且早上8點就開，啱晒一眾尖沙咀打工仔們返工前食返個靚早餐！
▲店內設計充滿摩洛哥色彩，牆上一排排赭色錫罐，裝滿來自全球35個咖啡產地嘅單一產地咖啡、精緻調配同脫因咖啡，每一罐都係咖啡迷必試嘅瑰寶。
▲新店仲加入咗香港首個堂食菜單！從早晨8點開始就有得品嚐摩洛哥風味美食：烤走地雞蛋配辣番茄醬同紅野牛咖啡菲達芝士，鹹香濃郁，朝早醒神必食！
▲Lunch推薦摩洛哥香料肉丸配炸薯條，仲有全球熱賣嘅特製公司三文治，搭配一杯100%阿拉比卡咖啡，輕食又滿足！
▲夿萐咖啡仲提供超過200款純正阿拉比卡咖啡，每杯仲貼心附上法式香緹鮮奶油、糖棒同環保玻璃吸管，全面提升飲咖啡嘅儀式感！仲有專業咖啡大師即場推薦同研磨，保證符合你嘅口味！
▲唔使飛摩洛哥，就喺尖沙咀感受最正宗嘅咖啡旅程！
Bacha Coffee 夿萐咖啡
地址：尖沙咀港威商場地下315-315A號舖
電話：2180 6918
營業時的：8:00-22:00
文字：香港人遊香港
The post香港美食：【摩洛哥百年咖啡店登陸尖沙咀！超IG-able！雕刻彩繪雪松木天花板+黑白格紋大理石！】- Bacha Coffeeappeared first on香港人遊香港.
