開心果主題下午茶 免費送大大塊杜拜朱古力
開心果控尖叫啦！呢間位於金鐘的酒店推出了「開心果之魅」下午茶，用上頂級意大利同伊朗開心果，炮製出一系列鹹甜美點。下午菜包括三道鹹點、四道甜點、鬆餅及飲品。鹹點包括開心果白朱古力鴨肝醬、開心果意式肉腸千層、開心果脆脆龍蝦卷。當中開心果白朱古力鴨肝醬超濃郁又細滑入口即化。甜點方面包括開心果100%蛋糕似真度爆棚，杏桃骰仔酸甜清新，櫻桃脆筒同士多啤梨奶凍都係層次豐富，款款都係驚喜。當然唔少得經典英式鬆餅，金黃鬆化，配特製開心果奶油忌廉，香濃牛油味同堅果香一試難忘！配埋用青瓜、薄荷同茉莉花茶調製的特飲「馥香開心果」，解膩一流。最正係，雙人下午茶仲送200克杜拜開心果朱古力禮盒，免費！呢個機會點可以錯過？
▲「開心果之魅」下午茶：酒店廚藝團隊特選高品質意大利及伊朗開心果，將鹹甜美點提升到另一層次。
▲原粒開心果造型蛋糕：100%開心果蛋糕，白朱古力外殼包裹住香脆開心果脆脆同海綿蛋糕，擬真造型仲好吸睛！
▲開心果杏桃骰仔：橘色外層包住開心果脆脆、杏桃慕絲及海綿蛋糕，酸甜清爽，層次感豐富，口感一流！
▲開心果櫻桃脆筒：酥脆外層注入開心果忌廉同車厘子醬，仲有車厘子啫喱點綴，令人一試難忘！
▲開心果士多啤梨意式奶凍：滑溜奶凍配開心果忌廉，濕潤嘅口感同堅果香完美交融，絕對係甜品愛好者嘅心頭好
▲鴨肝醬白朱古力球：矜貴白朱古力包住細滑鴨肝醬，入口即化，極致享受！
▲開心果意式肉腸千層：鹹香可口，層次豐富，咬落口感滿分！
▲開心果脆脆龍蝦卷：以青瓜片包裹鮮美龍蝦肉，兩端沾滿開心果碎，鮮味瞬間爆發！
▲仲有每日新鮮出爐嘅鬆餅選擇，包括原味及提子鬆餅，配埋主廚特製嘅開心果奶油忌廉，濃郁堅果香配合鬆化口感。
▲特色無酒精飲品「馥香開心果」：由無酒精氈酒 Seedlip Spice、雲呢嗱糖漿、青瓜、薄荷及茉莉花茶調製而成，清新解膩
▲最令人心動嘅係惠顧雙人下午茶，即可免費獲贈杜拜開心果朱古力禮盒(200克)！🍫由糕餅主廚 Ason 精心設計，以比利時黑朱古力結合香濃開心果果醬，再加入炸中東酥皮絲，製成每一口都鹹甜脆口嘅朱古力塊。
樂聚廊
地址：香港金鐘道 88 號太古廣場香港港麗酒店大堂
電話：28228891
星期一至五：15:00-17:30
$688 (兩位用)/ $358 (一位用)
星期六、日及公眾假期：15:00-17:30
$698 (兩位用)/ $368 (一位用)
文字：香港人遊香港
The post酒店下午茶：【召集開心果控！嚴選超高質開心果製作！由意大利及伊朗直送！鹹甜層層驚喜！免費送大大塊杜拜朱古力】- 港麗酒店appeared first on香港人遊香港.
