日本玉子燒｜日本人氣百年玉子燒專門店松露玉子燒登陸香港！
想食正宗日本築地嘅味道，唔一定要飛去日本啦！日本築地場外市場人氣老字號「松露玉子燒」海外首間分店正式進駐香港。呢間老字號由1924年創業，有超過100年歷史。店舖堅持選用日本同契約農場合作超過50年嘅雞蛋，用特製鍋具手工煎製，一層一層疊起嚟，造就出招牌嘅柔軟嫩滑口感，秘製高湯令味道鮮甜唔會太膩。松露堅持製作以高湯為主嘅清爽口味玉子燒，店方建議大家最好唔好加醬油，原汁原味就已經好好食。食材全部由日本直送嚟香港，確保同日本總店一樣嘅地道風味。除咗招牌嘅黃金玉子燒，仲帶埋各款甜品同三文治等等嘅料理。松露玉子燒現已開幕，快啲約埋朋友一齊去試下啦！
▲創業超過一百年嘅「松露玉子燒」，由築地名店「松露壽司」發展而來，堅持傳承傳統，將秘製高湯同契約農場嘅新鮮雞蛋結合，製作出色澤金黃、嫩滑細膩嘅玉子燒！呢款玉子燒以簡單嘅食材展現極致嘅味道，入口有高湯淡淡嘅清香，甜度適中，無論單食定配飯、配酒都一樣咁一流。
▲ 最經典嘅黃金玉子燒有層層疊疊的工整造型，煎至金黃光澤，外觀已經令人垂涎！✨ 用秘製高湯調味，味道清爽中帶濃郁，甜度恰到好處，食落唔會膩。建議大家試第一口時，乜都唔使加，直接品嚐最原汁原味嘅豐富層次。
▲三文治最初係由第三代傳人用嚟做員工餐，結果大受歡迎，最後正式變成招牌產品。三文治用一片厚實嘅松露玉子燒夾喺鬆軟濕潤嘅麵包之間，並塗上少量清新酸味嘅蛋黃醬，令整體味道更突出，每一啖都可以感受到玉子燒豐富嘅高湯味道。
▲ 玉子燒布甸係以松露玉子燒使用嘅新鮮雞蛋作為主要材料，濃濃嘅蛋香配上經典焦糖醬，口感紮實，仲加入香滑嘅卡士達醬作最後點綴，真係每一匙都充滿幸福感， 布甸愛好者一定唔可以錯過。
「松露玉子燒」沙田店
地址：沙田一田百貨一樓
營業時間：10:00 – 22:00
文字：香港人遊香港
The post香港美食：【日本人氣百年老店松露玉子燒登陸香港！100%日本直送食材＋師傅手工煎製！必試玉子燒三文治/布甸】appeared first on香港人遊香港.
