香港麥當勞｜麥當勞全新環球系列漢堡限定登場！
想環遊世界歎美食但又冇時間坐飛機？金鐘海富中心麥當勞50週年誌慶，由5月23號起推出只此一間嘅「Around the World系列」餐單，搜羅咗世界各地麥當勞嘅人氣美食，等大家唔使出香港都可以品嚐環球美食盛宴！美食系列包括四款特色漢堡：肉汁豐盈美國BLT安格斯漢堡、香辣惹味加拿大BLT脆雞堡、滿足大胃王澳洲三層芝士漢堡同清新爽脆嘅紐西蘭田園沙律飽。甜品控唔好錯過韓國嘅朱古力肉桂迷你脆條，同嚟自法國嘅McFops迷你冬甩，仲有香港出品嘅McCafe特濃咖啡系列！環遊世界唔駛搭飛機，快啲嚟金鐘海富麥當勞嘆限定美食啦！
▲ 美國BLT 安格斯漢堡（套餐價$58）：鬆軟芝麻圓麵包夾住軟嫩多汁嘅安格斯牛肉，再加上三大經典食材：香脆蘋果木燻煙肉、清爽羅馬生菜同蕃茄片。特製煙燻醬同埋車打芝士將所有食材完美融合，令每一啖都層次豐富，香濃爆汁！
▲ 加拿大BLT 脆雞堡（套餐價$54）：微辣風味嘅脆爆雞腿塊搭配清新BLT組合，再加埋經典麥香雞醬，香辣脆口嘅雞肉同爽口嘅蔬菜完美配搭，令食材風味更加突出，食完絕對回味無窮！
▲ 澳洲三層芝士漢堡（套餐價$49）：大胃王之選，三層加入洋蔥粒香煎嘅100%純牛肉配搭三層香軟芝士，再加埋芥末、蕃茄醬同酸瓜，經典口味完美升級，肉香芝士香層層疊疊，滿足感爆燈！
▲ 紐西蘭田園沙律飽（套餐價$39）：健康之選，漢堡內嘅爽脆生菜絲、開胃蕃茄同香脆洋蔥條，搭配麥香雞醬、酸瓜同車打芝士，清新味道中不失層次，綠色食材照顧健康同時滿足味蕾！
▲ 韓國朱古力肉桂迷你脆條（單售$18，套餐加配$15）：韓國超人氣甜品！外層金黃鬆脆，內裡係幼滑香濃嘅牛奶朱古力醬，仲附上獨立包裝嘅肉桂糖粉畀你自己灑上，香甜肉桂香氣配埋朱古力，簡直停不了口！
▲ 法國香莓及朱古力 McPops（單售$23.5）：入口煙韌鬆軟嘅迷你冬甩，一盒兩個分別有香莓同朱古力內餡，甜蜜口感配埋咖啡，係法國人嘅下午茶首選！
▲ McCafé 櫃檯限定嘅「特濃咖啡系列」，包括香橙特濃咖啡、特濃咖啡檸檬梳打同特濃咖啡湯力水，三款都係香港獨有嘅創新咖啡！特濃咖啡檸檬梳打將濃郁Espresso同清新檸檬梳打完美融合，添上新鮮檸檬片，帶來超Fresh嘅醒神感覺；而特濃咖啡湯力水則以湯力水配搭咖啡，保留咖啡香氣同時，清爽氣泡感令飲品更添層次！
文字：香港人遊香港
The post香港美食：【麥當勞全新環球系列漢堡限定登場！全港只此一間發售！美國人氣安格斯漢堡＋韓國熱門肉桂脆條＋加拿大脆雞堡】appeared first on香港人遊香港.
