九龍城寨之圍城｜《九龍城寨之圍城》主題電影場景展！
香港電影迷同懷舊愛好者留意啦！由文創產業發展處策劃、電影發展基金資助嘅「九龍城寨光影之旅」電影場景展今日正式開幕！以金像獎最佳電影《九龍城寨之圍城》為主題，呢個展覽再次將大家帶返八十年代嘅城寨，重構經典場景，感受香港電影美術工作者嘅創意與工藝！今次展覽係歷來最大規模，展期長達三年！展覽內重現咗多個經典場景，包括「七記冰室」、「龍城髮廊」、「士多」、「牙醫診所」同「魚蛋工場」等等，仲有「城寨光影天台」可以睇到九龍城寨日與夜嘅獨特景象，聲效仲會模擬飛機飛過嘅震撼感覺，完全沉浸式體驗！
▲今次展覽係歷來最大規模，展期長達三年！展覽內重現咗多個經典場景，包括「七記冰室」、「龍城髮廊」、「士多」、「牙醫診所」同「魚蛋工場」等等
▲ 七記冰室雖然簡簡單單，但係城寨居民嘅日常食堂。最抵食嘅叉燒飯，肥瘦相間嘅叉燒配上煎蛋加熱辣辣嘅白飯，成為居民同陳洛軍最掛住嘅滋味。
▲ 龍城髮廊係電影重要場景，武林高手龍捲風低調隱身喺呢間理髮店，呢度唔單止係佢嘅棲身之所，更係城寨治安委員會嘅大本營。
▲ 喺士多區，小小嘅空間卻堆滿漫畫、汽水、牛奶糖，完全係好多人嘅童年回憶呀！
▲ 九龍城寨最出名嘅行業之一就係無牌牙醫啦，喺展覽嘅牙醫診所區，你會發現呢個城寨獨特文化嘅一面！
▲ 最抵睇嘅一定係魚蛋工場嘅重建！呢度正正係陳洛軍落難城寨後嘅第一份工作，仲因為魚蛋妹嘅關懷而感受到人情溫暖，最後決定留喺城寨。
▲ 窄巷內街展區將城寨自給自足嘅社區風貌活現眼前 – 裁縫、修鞋檔、電器維修小店，展示出香港人喺夾縫求存嘅獅子山精神。
▲「城寨光影天台」可以睇到九龍城寨日與夜嘅獨特景象，聲效仲會模擬飛機飛過嘅震撼感覺，完全沉浸式體驗！
九龍城寨光影之旅
日期：2025年5月24日起
時間：09:00-19:00
地址：九龍寨城公園衙門
文字：香港人遊香港
The post香港好去處：【規模最大！《九龍城寨之圍城》主題電影場景展！重構「三不管」地帶！加入多個舊式店鋪】appeared first on香港人遊香港.
