3COINS ｜日本平價雜貨店3COINS宣布正式登陸香港！
唔駛終於唔使專登飛日本啦！日本超人氣300円雜貨店3COINS即將登陸香港，有街坊發現鋪位已經開始圍板裝修，預計七月就會正式開幕喇，睇嚟好快就可以去血拼！3COINS最吸引嘅地方就係佢啲產品大部分都係300日圓（約港幣16蚊）就買到，平平平哋就可以入手設計感滿分嘅靚嘢，CP值爆燈！過往佢哋好多產品都爆紅，好似折疊旅行袋、小相機、貓眼指甲油等等，喺日本常常賣斷市！據知香港店將會由「谷日百貨」電商平台負責營運，會引入超過2,500種雜貨，廚房用品、收納盒、小型傢、化妝品、手機配件、兒童用品都會有。不過呢目前仲未知道3COINS喺香港嘅定價會點，香港嘅朋友們，準備好荷包七月一齊去掃3COINS啦！
▲ 「3COINS」個名有特別含意，源自「以硬幣價格購買高質素商品」嘅理念。品牌名稱代表大部分產品都係300日圓（即三個100日圓硬幣），象徵住只需要三枚硬幣就能買到設計精美又實用嘅嘢，平價又高性價比！
▲ 3COINS嘅商品設計注重簡約同實用性，色調設計特別易襯，可以輕鬆配搭各種居家風格，啱晒現代家庭嘅裝潢需求。
▲ 佢哋每個月會推出約700至800種新商品，仲會不斷改良同升級受歡迎嘅產品，等你每次去都有新發現。
▲ 3COINS以「小確幸」（ちょっと幸せ）為核心理念，希望透過佢哋精心設計嘅商品，為你日常生活帶來一啲幸福感。
3COINS 香港店
日期：預計7月開幕嗰
地點：銅鑼灣希慎廣場
文字：香港人遊香港
The post香港好去處：【日本平價雜貨店3COINS宣布正式登陸香港！超過2,500種雜貨！必買迷你相機/旅行袋/貓眼指甲油】appeared first on香港人遊香港.
