尖沙咀美食｜炭燒⾹茅西冷⽜肉+自家製雪糕泰風奶昔
呢間位於尖沙咀半開放式、充滿泰式風情嘅泰國越南餐廳，為咗慶祝開業一周年，特別推出一系列全新菜式。必試招牌炭燒香茅西冷牛肉，用上薄切美國西冷牛，串住新鮮香茅，炭香滲透牛肉，再加埋香茅嘅清新，啖啖都有層次感！仲有蟹肉魚肚羹、烤鴨配酸甜椰子醬、梅薑肉沫蒸盲鰽魚、香炸蟹肉春卷等，泰越滋味集於一身！另外甜品控必試特色奶昔，用上全自家製雪糕，泰式奶茶、椰子、班蘭、香芋等口味，飲落香濃滑順，瞬間去到泰國咁feel！想盡情啲仲可以試吓90分鐘無限暢飲、買一送一優惠，雞尾酒、無酒精特飲、紅白酒、氣泡酒、啤酒、烈酒任你揀，開心聚會一流！
▲蟹⾁⿂肚羹($128)，豬骨高湯加入新鮮蟹鉗肉、冬菇、特級魚露，鮮味十足。更可自由加入香醋及新鮮芽菜，增加層次。
▲炭燒⾹茅西冷⽜肉($138)，用上薄切美國西冷牛，串住新鮮香茅，炭香滲透牛肉，再加埋香茅嘅清新。配特製蠔油花生醬，味道有甜有鹹及碳香啖啖都有層次感。
▲烤鴨配酸甜椰子醬($168)，靈感來自港式烤鴨，先以泰式混合香料如五香粉、香茅、香蒜等醃製。再以高溫油炸後放入焗爐香烤，令外皮香脆內裡鮮嫩。配羅望子及魚露製成的酸辣椰子醬，風味獨特。
▲蟹肉奄列($168)，每口都充滿蟹肉，而蛋煎得香脆配辣椒醬及番茄汁。
▲泰式黑糯米燉蛋($88)，軟糯香甜的黑糯米飯配以香葉、椰糖、椰汁燉製而成的滑溜燉蛋，配上泰國椰子肉等。有種一秒飛到泰國的味道。
▲芒果三色糯⽶飯($98)，由香芋、蝶豆花及椰漿製成的三色糯米飯，配香甜泰國芒果及自製的椰子糖漿。
▲呢到奶昔都做得好出色，用上全自家製雪糕，設有泰式奶茶、椰子、班蘭、香芋等口味。
Ruên
地址：尖沙咀麼地道66 號尖沙咀中心地下G38 – G39 及G45 – G48號舖
電話：22056018
營業時間：08:00-23:00
歡樂時光
11:00-19:00供應；買一送一優惠只需HK$108，選擇包括：精選雞尾酒、無酒精飲品、紅白餐酒、氣泡酒、啤酒、烈酒等
全日90分鐘無限暢飲套餐
11:00-23:00；每位HK$228 享用90 分鐘無限暢飲紅白餐酒、氣泡酒及啤酒
文字：香港人遊香港
The post尖沙咀美食：【一秒飛泰國！一試難忘！全新泰越口味！炭燒香茅西冷牛肉+自家製雪糕泰風奶昔】- Ruênappeared first on香港人遊香港.
