室內高爾夫新熱點｜GOLFZON 尖東店正式登場：4K 畫面帶你暢遊世界級球場！
高爾夫球曾經給人一種遙不可及的感覺，總覺得場地稀有、時間成本高，仲要受天氣限制。不過，隨著韓國科技品牌 GOLFZON 嘅出現，呢項精英運動正以嶄新面貌喺香港城市核心地帶迅速普及，今個夏天更喺尖東開設全新旗艦店，勢必成為你消暑玩樂嘅新蒲點！GOLFZON 尖東店現已正式啟用，更為新手帶來專業教練一對一指導嘅三堂課半價優惠，只需$888（原價$1950），等於一堂為$296。喺呢度，你可以喺室內盡情選擇官方授權嘅200多個世界級比賽球場，而且店內會提供專業球具，免去你自備裝備嘅麻煩，更貼心備有清涼飲品，絕對係你夏日暢玩嘅理想之選！
延伸閱讀
【名古屋近郊景點】鈴鹿賽車場2025｜1價錢即可任玩刺激賽車+過山車等30種設施！水上樂園開幕詳情
Chiikawa PARK 7月東京開幕！樂園門票+設施全攻略
都市熱話：【便利店新一輪Sanrio精品！水怪同XO做主角！必買冷泡隨行杯+好評滿載PVC痛袋】
打破場地與天氣限制：虛擬高爾夫新時代降臨香港！
GOLFZON 係全球領先嘅室內高爾夫模擬品牌，總部設於韓國，全球擁有超過 30,000 個安裝點，年均擊球次數突破 9 億，簡直係虛擬高爾夫界嘅標竿！佢哋透過尖端模擬技術同球道還原系統，就算喺室內，你都可以體驗到 200 多個官方授權世界級球場嘅真實地形同挑戰。GOLFZON HONG KONG 作為品牌喺亞洲嘅重要據點，目前已經喺尖東、銅鑼灣、金鐘、荔枝角同九龍灣開設店舖，設有超過 20 條模擬球道，配備高階雙鏡頭揮桿追蹤器同球速分析系統，令你每一次擊球都更有指標性同可進步空間，絕對係香港高爾夫愛好者嘅福音！
尖東店：城市中心一桿入魂！
全新嘅 GOLFZON 尖東店座落於科學館道核心地段，鄰近地鐵站同巴士總站，交通非常便利，等你放工或者約朋友都夠晒方便。新店配置咗 3 部最新型嘅 TWOVISION NX 模擬器以及 4 部 GDR PLUS 系統，無論你係入門新手定係資深玩家，都可以搵到適合你嘅揮桿練習同球場模擬體驗。如果你有基礎嘅玩家，更加可以預訂 GOLFZON 尖東店分店嘅模擬 18 洞房間。至於 GDR PLUS就更適合日常練習或者初學者使用，佢會結合實時揮桿數據同個人化建議，幫助你穩步提升每一桿，絕對係進步神速嘅好幫手！
專為新手打造：高爾夫球速成班等你嚟體驗！
GOLFZON 尖東店現正主推人氣課程——高爾夫球速成班（Quick Start Golf Training Program），呢個課程專為零基礎或者初學者而設，如果你一直想學高爾夫又覺得無從入手，呢個絕對係你嘅最佳機會！課程會幫助你快速掌握揮桿節奏同擊球要領，輕鬆踏入高爾夫世界！下一次放工後想運動，不如約埋朋友到尖東打一場高爾夫球，感受吓不一樣嘅城市節奏同揮桿魅力啦！
常見問題
GOLFZON 尖東店有咩設施？
GOLFZON 尖東店設有 3 部 TWOVISION NX 模擬器 (模擬 18 洞模式) 及 4 部 GDR PLUS 系統(模擬練習場模式)，適合不同程度嘅玩家。
GOLFZON 有幾多個世界級球場可以選擇？
GOLFZON 官方授權超過 200 個世界級比賽球場，提供真實嘅地形與挑戰。
高爾夫球新手可以喺 GOLFZON 尖東店學打波嗎？
當然可以！尖東店現正主推專為新手打造嘅高爾夫球速成班，有專業教練一對一指導。
GOLFZON 尖東店詳情
地址：香港尖沙咀科學館道 14 號 新文華中心商場 1 樓 147-153, 155 及 156 舖
文字：香港人遊香港
The post全新室內高爾夫球場尖沙咀開幕！小朋友都玩得！即睇半價優惠appeared first on香港人遊香港.
